ҚМДБ-ның тапсырмаларын жергілікті аудандарда талқылау, діни басқармадан бекіткен төрт құжатын алыс аудандардағы жамағатқа насихаттау, аудан, ауыл мешіттерінің хал жағдайымен танысу мақсатында ҚМДБ-ның Семей аймағы бойынша өкіл имамы Алтыбай Мақсат Қуанышұлы Аягөз, Үржар, Мақаншы аудандарын аралап, мешіт жамағаттарымен кездесу өткізді.

Бас имам сапар барысында ауыл жұртының хал-ахуалы, мешіттердің жай-күйі, имам-молдалардың жұмысын көріп, тыныс-тіршілігімен танысты. Сонымен қатар, өкіл имам халыққа уағыз айтып, дін қызметкерлеріне нұсқау-кеңестерін берді. Көпшілікпен пікір алысып, сұрақтарына жауап берді.

Жиналған қауым өкіл имамға келелі жиын ұйымдастырғаны үшін алғыстарын айтты.

Семей Қос мұнаралы орталық мешіттің баспасөз қызметі