Алла Тағаланың жер бетіне жіберген ең сүйікті елшісі, Пайғамбарымыз Мұхаммед Мұстафа (с.ғ.с.): «Дін – насихат» деп айтып кеткен. Яғни, асыл дінімізді насихаттап, халықты жақсылыққа, имандылыққа шақыру да сауапты амалдардың бірі.

Бұл орайда, елімізде ақпараттық-насихаттық шаралар тұрақты әрі көптеп ұйымдастырылып келеді.

Осы мақсатта Қазақстан мұсылмандары діни басқармасының республикалық ақпараттық насихат топ мүшесі, Талдықорған өңірінің өкіл имамы Серікхан қажы Рымханұлы іс-сапармен Семей өңіріне қарасты, Аягөз ауданының орталық мешітінде болды.

Өзінің Семей өңіріне жасаған сапарында Серікхан қажы Рымханұлы Аягөз ауданының орталық мешітінде болып, мешіт жамағаттарымен арнайы кездесулерге қатысып, уағыз-насихат жұмыстарын жүргізді.

Уағыз-насихат жұмыстары барысында РАНТ мүшесі дін мен дәстүрдің сабақтастығы, жат ағымдардан сақтану, мұсылманның мұраты көркем-мінез турасында мағыналы насихатын жеткізді.

Бұл кездесу алдағы уақытта да ауданның басқа да мекеме орталықтарында өтетіні жоспарлануда.

Аягөз қалалық мешітінің баспасөз қызметі