ҚМДБ-ның Қызылорда облысы бойынша өкілдігі,орталық «Ақмешіт-Сырдария» мешітінде қала және аудан имамдарына арналған 1 апталық семинар сабақтары басталды.

Семинарда «Ақида» сабақтары, өзге діни ағымдардың таралуы бағытында ауқымды лекциялар өтіліп, тереңнен түсіндірілуде.

Семинардың ашылуына қатысқан орталық «Ақмешіт-Сырдария» мешітінің бас имамы Омаров Талғат Сейіткәрімұлы Қазақстан мұсылмандары діни басқармасы ақпараттық-ағарту жұмыстарын жандандыруға арналған «Ислам және зайырлы қоғам» атты республикалық конференциясында сөз болған келелі мәселелерді имамдарға кеңінен таныстырып өтті.

Семинарды Қармақшы ауданы, Төретам кенті «Жәрімбет ата» мешітінің бас имамы, «Нұр-Мүбарак» Египет Ислам мәдениеті университетінің магистранты Құрманбаев Дастан жүргізуде. 

Қызылорда облыстық «Ақмешіт-Сырдария» мешітінің баспасөз қызметі