ОҚО Шымкент қаласы облыстық орталық мешіті мен облыстық Зекет қорының ұйытқы болуымен Діни басқарма тарапынан қолға аланыған Республикалық қайырымдылық шарасына орай, мүмкіндігі шектеулі жандарға қайырымдылық шарасы өткізілді. 

Шара барысында ҚМДБ-ның ОҚО бойынша өкіл имамы Ахметжан қажы Керімбек сабырлық, өзімділік туралы уағыз айтып, тағдырға иман келтіру жайында әңгімеледі.

Сондай-ақ, Шымкент қаласында тұратын 25 мүмкіндігі шектеулі мүгедек жандарға үш қоларба, 6 сүйніш таяғы және қаржылай көмек берілді. Шара соңында мерекелік дастархан жайылды.

ҚМДБ-ның ОҚО бойынша өкілдігінің баспасөз қызметі