Семей аймағы бойынша өкілі, Қос мұнаралы орталық мешітінің бас имамы Алтыбай Мақсат Қуанышұлы Нұр Астана медресесінің шәкірттерімен кездесті.

Кездесу барысында жастарға дінге қызмет ету, туған жерге еңбек сіңіру турасында және білім алу бағытында уағыз-насихаттар айтты. Кездесу барысында өкіл имам шәкірттермен ашық пікір алмасып, діни ахуал, елдегі мемлекеттік саясаттың жүзеге асырылуы, дін қызметкерлеріне қойылатын басты талаптар бағытында сұхбат жүргізді.

Өз кезегінде шәкірттерді асыл дініміздің дамуына үлес қосуға шақырды. 

Семей Қос мұнаралы орталық мешітінің баспасөз қызметі