ҚМДБ-ның БҚО бойынша өкіл  имамы  Руслан Сұлтанов қаладағы №37 мектептің «Ұрпақ тәрбиесінен кеш қалмайық» атты тақырып аясында оқушылардың ата-аналарымен кездесті.

Оған облыс имамы, қалалық білім басқармасының басшысы, мектептің ардагер ұстаздары, ата-аналар қатысты. 

Алдымен ҚМДБ-ның БҚО бойынша өкіл имамы Руслан Тыныштықұлы сөз алып, асыл дініміздің құндылықтарын, оқу-тәрбие жөнінде тілге тиек етіп, қазақтан шыққан данышпандарын  еңбектеріне тоқталып,  жат ағым жолында жүрген жандардың арбауына түсіп қалмау жайында да сөз етті.

Ата-аналардың тарапынан жолданған сауалдарға жауап беріп, ата-аналар ұйымдастырушыларға өз ризашылықтарын білдіріп тарқасты.

ҚМДБ-ның БҚО бойынша баспасөз қызметі