ҚМДБ-ның Қарағанды облысы бойынша өкіл имамы Өмірзақ қажы Қазкенұлы жамағаттың басын бір жерге біріктіру мақсатында Қарағанды облыстық орталық мешітінің асханасында арнайы дастархан жайып, жамағатқа әсерлі уағыз-насихатпен сусындатты.

150-ге жуық түбі бір мұсылман бауырлар бас қосып, бауырмалдықтың үлгісін көрсетті. Өкіл имам жиналған жамағатқа ынтымақтастық пен достық үстемдік құрған жерде іс алға басады,  шынайы мұсылманшылықтың белгісі де бір-біріне жүрегі елжіреп, бауыр тарту екенін айтты.  

«Нұрлы білім» қоғамдық бірлестігінің төрағасының орынбасары, теолог Рүстем Сыздықов көпшілікке «Ақида» бойынша дәріс өткізді. Сонымен қатар аталмыш бірлестіктің теолог, дінтанушылары уағыз айтты.

ҚМДБ-ның Қарағанды облысы бойынша баспасөз қызметі