Әсіресе, уағыз-насихат жұмысын жамағат арасында жандандыру мақсатында бас имам Батыржан Берденұлының жетекшілігімен бірнеше жоспарларлы жұмыстар жалғасуда. Атап айтқанда, күнделікті жамағатқа медиа-дәрістер жүргізу, айлық дастархан жаю, БАҚ және интернет ресурсы арқылы уағыз-насихат жүргізіп, теріс ағымдардың ықпалына жол бермеу.

Ақпараттар ағыны күн сайын дамып жатқан қазіргі сәтпен санасқан «Иманғали» орталық мешітінің islam-atyrau.kz діни-танымдық сайты өз жұмысын жаңғырту мақсатында жаңа дизайнға көшті. Мұнан кейін де аталмыш сайт ақпарат кеңістігінде өз орнын алып қоймай, жағымды жаңалықтарымен, мазмұнды мақалаларымен, білікті де білімді теологтардың видео-медиа дәрістерімен оқырмандарын қуанта түспек.

Иә, islam-atyrau.kz діни-танымдық сайтының мақсаты - имандылық кәусарына бет бұрған жандарды дұрыс әрі маңызды діни құндылықтармен сусындатып, дін мен дәстүрдің дәріптелуіне және ел ынтымағы мен бірлігіне үлес қосу.

«Иманғали» орталық мешітінің баспасөз қызметі