Алматы облысы, Қарасай ауданы, Құмтоған ауылы «Мирный» қарттар үйінде Алматы облысы, Қарасай ауданы мешіттерінің ұйымдастыруымен «Мәуліт» мерекесі  өтті.

Бұл игі жиынға Қарасай ауданы мешіттерінің имамдары қатысып, қайырымдылық іс-шарасын өткізді. Алғашқы сөз қасиетті Құран Кәрімнің оқылуымен басталып, бата жасалынғаннан кейін,  аудан имамы Қуаныш Бақытбекұлы жиналған қауымға ҚМДБ-ның төрағасы, Бас мүфти Ержан қажы Малғажыұлының сәлемін жеткізіп, «Мәуліт» мейрамымен құттықтап, қарияларға пайғамбарымыз Мұхаммед (с.ғ.с.) ғибратты өмірінен  уағыз-насихат айтты.

«Мәуліт-шәріф» оқылып, әсем әнмен, діни әуендермен қария-кейуаналарға көтеріңкі көңіл күй сыйланды. Жиналған қарт кісілерге мерекелік дастархан жайылып, сый-сыяпат жасалынып,  ас берілді.

Алматы облыстық «Қарасай батыр» мешітінің баспасөз қызметі