Алматы қаласы «Әділ» мейрамханасында «Асыл арна» телеарнасы сүйікті пайғамбарымыз Мұхаммедтің (с.ғ.с.) мәулітіне арналған мерекелік іс-шара өткізді. Оны ҚМДБ төрағасы, Бас мүфти Ержан қажы Малғажыұлы хазрет кіріспе сөз сөйлеп, пайғамбарлардың сәруары (с.ғ.с.) жәйлі ұлағатқа толы сыр шертсе, ҚМДБ-ның шариғат және пәтуә бөлімі меңгерушісінің орынбасары Сансызбай Құрбанұлы кең ауқымда уағыз айтты. Сахна шеберлері пайғамбарымызға деген сағынышты жыр-терме тиегін ағытса, өткізілген сұрақ-жауапқа жиналғандар белсене қатысты.

Мерекелік іс-шара соңында оған қатысқан мешіт жамағаты мен қонақтарға «Асыл арна» телеарнасының директоры Мұхамеджан Тазабеков өзінің жылы лебізін білдіре келе: – Сүйікті пайғамбарымыздың (с.ғ.с.) ғибратқа толы өмірі барша мұсылмандар үшін үлгі-өнеге. Сондықтан бүгінгі өткізіп отырған мәулітіміздің маңызы аса зор, - деп тебірене ой толғады.

Іс-шараға қатысушыларға дастарқан жайылып, кәдесый таратылды.

Өз тілшімізден...