ҚМДБ ОҚО бойынша өкілдігі облыстық орталық мешітінің жанындағы «Діни сауат ашу курстарының» әйелдер тобында сауапты іс-шаралар өткізілді.

Атап айтқанда ДСАК ұстазы Әбиева Еңлік Мұратқызының  ұйымдастыруымен ҚМДБ-ның білім беру тұжырымдамасы аясында алғашқы рет бірінші сатысын бітірген шәкірттер сынақтан өтті. Шәкірттер Құран, ғибадат, сенім және Пайғамбарымыздың өмірбаяны пәндері бойынша әзірленген сұрақтарға жауап берді. Бұл іс-шараға ҚМДБ-ның ОҚО бойынша өкіл имам А. Керімбек арнайы қатысып шәкірттерге сәттілік тіледі.

Сынақты қабылдау комиссия құрамына ОҚО облыстық орталық мешітінің найб имамдары М.Естеміров және Е.Қарақұлов, сондай-ақ ұстаздары Н.Бақытжанұлы мен Е.Тәжібаевтар кірді. Жоғарғы көрсеткішке ие болған шәкірттер арнайы сыйлықтармен марапаттарып, қатысқан жалпы 30 шәкіртке Құран кәрім сыйға тартылды.

Содан соң жиын Пайғамбарымыздың мәулітіне арналған мерекелік іс-шарамен жалғасты. Арнайы дастархан жайылып, сыйлықтар берілді.

ҚМДБ-ның ОҚО бойынша өкілдігінің баспасөз қызметі