ҚМДБ-ның Жамбыл облысы бойынша Жастар ісі бөлімінің өкілі Ержан Аманбаевтың ұйытқы болуымен «Нұр-Мүбәрак» Египет Ислам университетінің магистрі, Алматы қаласы «Қарағайлы» мешітінің Бас имамы Ермек Жамбылұлымен  кездесу өтті. 

Аталмыш іс-шара №47 мектеп оқушыларымен, «Нұр Отан» партиясының ғимараттында белсенді жастармен және де «Бегалы ата» мешітінде жамағатпен уағыз-насихат жүргізілді.

Жат ағымдардың алдын алып, дәстүрлі дініміздің құндылықтарын дәріптеу мақсатында өткен жиында жастар – ел болашағы, жастар тәрбиесі, иманды да ибалы жастар турасында тілге тиек болды. Сондай-ақ, радикалды ағымдардың зардаптары мен зияндары сөз болды.

Алматыдан ат артып келген Ермек Жамбылұлы жастарға ой салар сүбелі сөз сөйлеп, рухты сілкіндірер уағыз айтты.

Ақерке БЕКҚҰЛОВА,
«Һибатулла Тарази» мешітінің баспасөз қызметі