Мемлекет қоғамнан, қоғам адамнан, ал, адамдардың бірлесіп күн көретін туыстық қатынаста тұратын тобын – отбасы деп атаймыз.

Ұл-қыздарымызды отбасылық өмірге әзірлеу тәрбиенің негізгі өзегінің бірі. Бабаларымыз «Қызыңның жасауын жеті жасында бастасаң жетпей қалады, алты жасында бастасаң асып қалады», - деп отбасылық өмірге жастайынан тәрбиелеуді ескерткен.

Осы тақырып аясында Талдықорған жастарымен дөңгелек үстелдер ұйымдастырылып келеді. Мақсат, қоғамда орын алып жатқан отбасы келеңсіздіктердің алдын алу. Шаңырақ көтерген жастардың түсіністікпен төзімділік негізінде шаңырағын шайқалтпай ұстап тұруын қалыптастыру.  

ҚМДБ Талдықорған өңірі бойынша баспасөз қызметі