ҚМДБ-ның ОҚО бойынша өкіл имамы А.Керімбек Алматыда орналасқан ҚМДБ-ға қарасты оқу орындарында бірқатар кездесулер өткізді.

Атап айтқанда, облыстың Бас имамы «Нұр-Мүбәрак» университетінде оқып жатқан ОҚО-дан келген шәкірттермен, Имамдардың білімін жетілдіру Ислам институтында білімдерін жетілдіріп жатқан имам-молдалармен және «Әбу Ханифа» атындағы медресе шәкірттерімен дидарласып, пікір алмасты.

Кездесулерде өкіл имам «Діни білім тұтастығы – діни тұрақтылық кепілі» атты республикалық тәжірибелік конференцияда қабылданған Тұжырымдама туралы ой бөлісіп, діни білім алудың бүгінгі таңдағы маңыздылығына тоқталды.

ҚМДБ ОҚО бойынша өкілдігінің баспасөз қызметі