Алматы облыстық «Қарасай батыр» мешітінде Алматы облысы, Алматы өңірі бойынша аудан имамдарының бір жылдық есеп беру жиналысы болып өтті.

ҚМДБ-ның Алматы облысы бойынша өкілі, облыстық «Қарасай батыр» мешітінің Бас имамы қызметіне жаңадан тағайындалған Нұржан Манапбаев аудан имамдарының дін жолында қызмет етіп жатқандарына ризашылығын білдіріп, алдағы уақытта бір-бірімізге арқа сүйеп, бірлесе жұмыс істеуге шақырды.

Бұл жиында аудан, қала имамдары ҚМДБ-ның тапсырған 4 бағыты (Діни уағыз, теріс ағымдармен жұмыс, қайырымдылық іс-шаралары, діни сауат ашу курсы) бойынша және басқада Діни басқармадан келген тапсырмалар мен бір жылда атқарылған іс-шаралардың есебін дайындап келген слайдтары арқылы көрсетіп, есеп берді.

Жиын соңында ҚМДБ-ның Алматы облысы, Алматы өңірі бойынша өкілі, облыстық «Қарасай батыр» мешітінің Бас имамы Нұржан Манапбаев кейбір аудан, қала имамдарына сын-ескертпелер айтып, алдағы уақытта бұндай кемшіліктердің болмауын талап етіп, аудан имамдарына бірнеше жұмыстар мен міндеттемелер жүктеді. Сондай-ақ, алда келе жатқан «Мәуліт» мерекесіне бір кісідей атсалысуға шақырды.

Алматы облыстық «Қарасай Батыр» мешітінің баспасөз қызметі