ҚМДБ-ның Павлодар облысына қарасты мешіт имамдары жыл басынан бері  арнайы бекітілген жоспар бойынша түзету мекемелеріне тұрақты түрде барып ондағы жазасын өтеушілерге жоспарлы тақырыптар бойынша уағыз-насихаттар айтып келеді.

Павлодар облысы орталық «Мәшһүр Жүсіп» мешітінің наиб имамы Қабаев Қанат пен қалалық «Бижан» мешітінің имамы Абдуссамат Айтқазылар Павлодар қаласы шетіндегі №162\3 түзету колониясына  барып жоспарлы кездесу өткізді. 

Кездесу барысында бірінші Республикалық имамдар форумында бекітілген «ҚМДБ-ның Тұғырнамасы» және «Мұсылманның тұлғалық бейнесі» атты құжаттар  насихатталып, уағыздалды. Кездесу соңында Тұғырнама және «Мұсылманның тұлғалық бейнесінің» бір данасы жазасын өтеушілерге табыс етілді. 

Амантай ТОЙШЫБАЙҰЛЫ