1984-жылы Алматы облысы, Райымбек ауданында дүниеге келген Асқар Әбітайұлы мектеп бітірісімен тоғыз жылға уақытын Мысыр елінде діни білім алуға жұмсаған. 2004-жылдың қарашасында Бейбарыс бабамыз билік еткен мемлекетке аттанып, 2005-2006 жылдары «Әл-Азһар» университетінің дайындық курсын, 2006-2008 жылдары колледжін (ас-санауия), 2008-2013 жылдары «Шариғат заңдары» факультетін тәмамдаған.

Елге келісімен Алматы қаласындағы «Орбита» мешітінің наиб имамы болып дін қызметіне кіріседі. Былтырғы жылдан бастап «Нұр-Мүбәрак» Египет Ислам университетінде қосымша ұстаздық қызмет атқарып келген. Бүған қоса, аталмыш оқу ордасының 2-курс магистранты. 2013-жылдан бастап ҚМДБ-ның жанына жанынан құрылған Республикалық ақпараттық-насихат тобының (РАНТ) мүшесі.