27-қазан күні Ақтөбе қаласы «Жастық» мейрамханасында «Халал» стандарт бөлімінің куәлігін табыс ету рәсімі болып өтті.

Аталған шараға Ақтөбе облыстық орталық «Нұр-Ғасыр» мешітінің Бас имамы Әбдімүтәлі Дәуренбеков пен  ҚМДБ-ның Халал стандарт бөлімінің Ақтөбе облысы бойынша өкілі Жандос Сайланов арнайы қатысып, «Жастық» мейрамханасының басшысына сертификат табыс етті.

«Жастық» - өңірімізде бұндай «халал» сертификатына ие болып отырған жалғыз мейрамхана. Сонымен қатар, аталған халал стандарттау бөлімі облысымызда өз жұмыс жүйесін дамытып, тұрақты іс-шаралар ұйымдастыруды қолға алып  жатқаны  белгілі. Алдағы уақыттарда да, осындай адал аспен қаламыздың тұрғындарын қамтамасыз ететін мейрамханалар мен қызмет көрсету орындарының саны көбейетініне сеніміміз мол.

Ақтөбе облыстық орталық «Нұр-Ғасыр»

мешітінің баспасөз қызметі