Осы тақырыпта ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешіті облыстық деңгейде шара өткізді.

Тасбөгет кентінде орналасқан С.Майқанова атындағы мәдениет үйінде өткізілген шараға аудан, қала, кенттің имамдары отбасыларымен қатысты.

ҚМДБ-ның төрағасы, бас мүфти Ержан қажы Малғажыұлының бастамасымен өткізілген қоғамды имандылыққа баулу, имамдардың амал, әдебімен, көркем қарым-қатынас орнату арқылы үлгі болуды мақсат еткен шараны қала тұрғындары тамашалады.

Сонымен қатар шарада «Исламдағы бала тәрбиесі», «Үлгілі имам – діннің келбеті», «Әйел жүрегінің кілті» тақырыптарында баяндамалар жасалып, дәстүрлі өнер – жырдан шашу шашылды.

Аталмыш шара жергілікті бұқаралық ақпарат құралдарында ақпараттандырылды.

Қызылорда облыстық «Ақмешіт-Сырдария» мешітінің баспасөз қызметі