Елімізде осы айды түгелдей қариялардың құрметін қарттар айы деп жарияланған болатын. Соған орай, Исатай ауданының қариялары "Иманғали" орталық мешітіне келіп, құран оқытып, өздеріне арналып жайылған дастарханнан дәм татып, құрметке ие болып кетті. Мешітімізге келген ауданақсақалдарына ҚМДБ-ның Атырау облысы бойынша өкілі, "Иманғали" орталық мешітінің бас имамы Батыржан Берденұлы "қош келдіңіздер" айтып, оларға арнайы құран оқыды. Дастархан басына жиналған көпшілік қауымға бас имам Батыржан Мансуровасыл дініміздің қадір қасиеті мен данагөй қарттарымыздың қашанда қазақ үшін орнының ерекше екенін, оларға қандай қолдау көрсетсе де аздық етпейтінін, олардың біз үшін жасаған әр игі істері қашанда ерлікпен пара-пар екенін айта кетіп, мешіт ұжымы атынан қарттарымыздың діни сауаты артсын деген мақсатты сыйлыққа кітаптар табыс етті. Исатай ауданынан келген үлкендеріміз өкіл имам Батыржан Берденұлына алғыстарын білдіріп, "қашанда дәстүрлі дінімізге көрсетіп келе жатырған жанашырлығы үшін Алланың разылығына бөлене бер",- деп ақ батасын берді. Қарттарымыз ол біздің сарқылмас қазынамыз. Қарты бар елдің еңсесі қашанда биік болмақ. Сондықтан да асыл қазынамыз сарқылмасын, қарттарымыз азаймай, аман-сау арамызда жүре бергей.