Қазақстан мұсылмандары діни басқармасы, Алматы қаласы, Алмалы ауданына қарасты Барыс-4 базарындағы «Береке» намазханасы 2010 жылдан бері қызмет етіп келеді.

Базар басшылығының қолдауымен Алла үйі күрделі жөндеуден өтті. Бұрын бір уақытта 150 адам намаз оқитын болса, күрделі жөндеуден кейін 800 орынға үлкейтілді.

Сәні мен сәулеті жарасқан Намазхананың ашылуына ҚМДБ тарапынан Алматы қаласының Бас имамы Нұрбек қажы Есмағанбет, Иман журналының бас редакторы Оңғар қажы Өмірбек және Тастақ мешітінің Бас имамы Кенжеәлі қажы Мырзабай қатысты.