Бас мүфти Ержан қажы Малғажыұлының тапсырмасына орай, Құрбан айт мерекесін бұқаралық сипатта тойлау мақсатында қаладағы «Нұр Астана» орталық мешіті мен «Әзірет Сұлтан» «С.Ғылмани» мешіттерінің алаңына киіз үйлер құрылып, спорттық-мәдени шаралар өткізілетін болады. Бұл күндері қаланың бас имамдары тарапынан елордалық бүлдіршіндерге де сый-сияпат әзірлеу қарастырылмақ.

Атап өткен жөн, елімізде құрбан айт мерекесі 24-26 қыркүйек күндері тойланады. Осыған орай, Астана қаласындағы мешіттердің ішкі-сыртқы аумақтарында тазалық жұмыстары жүргізіліп, қалалық деңгейде «Раббың үшін құрбан шал!» қайырымдылық акциясы қолға алынбақ. Аталмыш шара жылдың 25 қыркүйек күні сағат 10:00-де «Алтын таға» мал базарында өтеді.

Сонымен қатар,Астана қаласы әкімдігінің ұйытқы болуымен қала маңынан арнайы құрбандық шалатын орындар әзірленеді. Сол орындарда ғана құрбандық шалу керектігі жөнінде халықты ақпараттандыру жұмыстары жүргізілмек.