Астана іргесіндегі Теміржолшылар кентінде орналасқан «әс-Сәлам» мешітінің бас имамы Нұрбол Әбсаттарұлының ұйымдастыруымен «Мектепке жол» қайырымдылық акциясы болып өтті. Жаңа оқу жылы қарсаңында тұрмысы төмен отбасыларға көмек көрсетіліп, 30 оқушы мектепке қажетті құрал-жабдықтармен қамтамасыз етілді. Сондай-ақ, оқушылар мен ата-аналарына мешіт атынан дастархан жайылып, ас берілді. Шара соңында оқушылардың ата-аналары  алғыстарын жеткізіп, осы шараға демеушілік жасаған барша азаматтарға игі-тілектерін білдірді.