Қасиетті рамазан айында «Әзірет Сұлтан» мешіті Астана қаласындағы SOS балалар қалашығының тәрбиеленушілері мен зағип жандар қоғамының мүшелеріне арнап ауызашар дастарханын ұйымдастырды.

54 жанның басын қосқан берекелі дастархан басында Құран Кәрім оқылып, дұға жасалды. Сондай-ақ, мешіт имамы Нұржан Әлімқұлов жиналғандарға уағыз-насихат жүргізіп, қасиетті ораза жайлы ой толғады.Арнайы шақырылған қонақтарға ауызашар соңында сыйлықтар таратылып, ізгі тілектер айтылды.