Көп жасап, көпті көрген ақсақал Әлібек Түсібәлиев жиналған жастарға өмір жолынан сөз қозғап, бүгінгі бейбіт күннің қадірін бағалауға шақырды. Тәуелсіз еліміздің болашағы үшін жақсы тілектерін білдіріп, ақ батасын да берді.

Өзге де қазыналы қариялар бірінен-кейін бірі сөз алып, еліміздің өркендеп, мұнан әрі дами түсуіне жүрекжардылебіздерін білдірісіп, өнегелі әңгімелерімен бөлісе отырды.

ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Мансұров қазыналы қариясы бар ел бақытты екенін атап, үлкендерді құрметтеудің сауаптылығы жәнеқасиетті Рамазан айының берекесі жайында уағыз айтты. Ауызашар соңында Құран оқылып, еліміздің бейбітшілдігі мен халқымыздың тыныштығы үшін дұға жасалды.

Қазыналы қарияларды құрметтеп, ардагерлерді ардақтауды мұрат етіп, ақ дастархан жайған өңір имамы Батыржан Берденұлына және мешіт ұжымына ақсақалдардың баршасы шексіз ризалықтарын білдіріп, рухани әсермен тарқасты.