Кеңес отырысында ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Мансұров өңірдегі мешіттердің осыған дейінгі жасаған қызметтері жайлы баяндап, атқарылған игі істерді видео-слайд бағдарламасы аясында көрсетті.

Қазақстан мұсылмандары діни басқармасының төрағасы, Бас мүфти Ержан қажы Малғажыұлының діни бағытта атқарылуы тиіс төрт бағыттағы тапсырмасы яғни уағыз-насихат, теріс ағымдармен жұмыс, қайырымдылық іс-шаралар және сауат ашу курсының Атырау өңіріндегі нәтижесі нақты дәйек-сандармен жан-жақты көрсетілуі Кеңес мүшелерінің көңілінен шықты.

Облыс әкімінің, Кеңес төрағасының орынбасары Шыңғыс Жұмабекұлы Бас имам Батыржан Берденұлының өңірдегі діни ахуалды жақсартуда орасан еңбегі бар екенін айтып, атқарған істерінің өзгелерге үлгі боларлық тұсын ерекше атады. Жиын соңында кеңес мүшелері аймақтағы діни ахуалды тұрақтандырып, теріс пиғылды діни ағымдардың алдын-алу бағытында өз ұсыныстарын айтып, пікірлерін білдірді.

«Иманғали» орталық

мешітінің баспасөз қызметі