1 маусым – Балаларды қорғау күнін ескерусіз қалдырмаған Атырау облыстық «Иманғали» орталық мешіті біршама қайырымдылық шаралар жасады. Атап айтқанда, мешіт азаншысы Арман Урумбаев қалалық «Сабыр Қазыбаев» атындағы жетім балалар мен ата-анасының қамқорлығынсыз қалған балаларға арналған мектеп интернатына және «Отбасылық отбасы үлгісіндегі балалар ауылы» мемлекеттік мекемесіне арнайы құттықтай барып, ондағы бүлдіршіндерге жеміс-жидектер және тәттілер табыстады.

Сондай-ақ, айтулы мереке күні «Иманғали» орталық мешітіне ойын алаңы жасалып, оған «Атырау облысы кәмелетке толмағандарды бейімдеу орталығы» мемлекеттік мекемесінің және Облыстық есту органы зақымдалған балаларға арналған арнайы (түзеу) мектеп-интернатының және мешіт жамағаттарының, қала тұрғындарының балалары тегін тәттілерден дәм татып, еркін ойын ойнап, көңілдерін сергітті.