Семинардың ашылу шарасына облыстық Дін істері басқармасының басшысы Еркінбек Шоқай, Ақпараттық талдау орталығының басшысы Ж.Есенғалиев, Атырау облысы әкімінің аппараты «Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы» біліктілік арттыру бөлімінің меңгерушісі Лаура Ғазизова қатысты.

Өңір имамдарына сәттілік тілеген ұйымдастырушылар аталған семинардың дін мамандары үшін аса пайдалы екенін атап өтті. Сондай-ақ, имамдарға жергілікті білікті мамандармен қатар Абылай хан атындағы Қазақ халықаралық қатынастар және әлем тілдері университетінің доценті, философия ғылымдарының кандидаты Мухитдиенов Рашид Сражұлы дәріс оқитын болады.

Бес күнге жалғасатын семинар курсында мұнайлы өлкенің қала, аудан және ауыл имамдары Зайырлы мемлекет және дәстүрлі дін: өзара әрекеттесу мәселелерін үйреніп, бүгінгі діни ағымдардың қоғамға зияндылығы жайында өз біліктіліктерін арттыратын болады.

"Иманғали" орталық мешітінің баспасөз қызметі