Балаларды қорғау күні олардың өмірін соғыстан қорғау, денсаулығын сақтау, болашақ ұрпаққа демократиялық негізде білім мен тәрбие беру жөніндегі барша әлемдегі озық пікірлердің тоғысқан арнасы десек, артық айтқандық емес.

Осыған орай 1 маусым балаларды қорғау күнінде Сәтбаев қаласы «Балмағамбет Балқыбайұлы» мешітінде «Балғын балалар – біздің болашағымыз»  атты қайырымдылық іс-шарасы өтті. Бұл іс-шараға «Мерей» балалар үйінің бүлдіршіндерін шақыртып, түрлі ойын-сауық түрлерін ойнатып, сыйлықтар мен тәтті тағамдар таратылды. Осы іс-шараға риза болған балалар, мәз-мәйрам болып қуанып жатты.

Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі. Адамзаттың алдында тұрған зор міндет - болашақ ұрпақтың бақытты өмірін қалыптастыру. Өскелен ұрпақты бірлікке, отансүйгіштікке және имандылыққа тәрибелейтін осындай іс-шаралар әлі де жалғасын табады дегенге сенімдеміз. 

Сәтбаев қаласы «Балмағанбет Балқыбайұлы» мешітінің баспасөз қызметі