Қазақстан Мұсылмандары Діни Басқармасына қарасты "Орал" арнаулы білім беретін діни оқу орнында Қазақстан тарихы пәнінен Мемлекеттік емихан болып өтті.

Медреседегі Мемлекеттік емтиханға ҚМДБ-ның БҚО бойынша өкілі, директор Руслан Султанов, философия ғылымының кандидаты Қадем Сарсенов, Жәңгір хан атындағы Батыс Қазақстан Агро-Техникалық университетінің қазақстан тарихы пәнінің мұғалімі Қайсар Ташай және қалалық мешітінің бас имамы Алимхан Турлыбековтер комиссия құрамында болды.

Аталған оқу орнының І курстың 14 студенті Қазақстан тарихы пәнінен емтихан тапсырды. Таң сәріде басталған пәннен ауызша тапсырып, әркім өз деңгейінде білім деңгейлерін көрсетті. Нәтижесінде 6 шәкірт "бес" деген баға алса, қалған шәкірттер "Жақсы" деңгейін танытты.

Қортынды сөз алған оқу орнының басшысы Руслан Тыныштықұлы: Баршамыз Тарихты білуіміз керек. Осы биыл баспаға шыққан "Мұсылманның тұлғалық бейнесі" яғни, қазіргі имамдарымыз Қазақстан тарихын барлығын кезең-кезеңдерін жатқа білуіміз керек. Заман талабына сай қазіргі таңда дәстүрлі емес бағытқа түсіп жатқан қандас бауырларымыз осы тарихымызды, ата-дәстүрімізді білмегендіктен шатасып жатыр. Сондықтан Еліміздің ертеңгі болашағы жарқын болу үшін білім алу керек екенін баса айтып өтті. 

Ержан Жұмағожиев,
Облыстық орталық мешітінің баспасөз қызметі