Бүгін Алматы қаласы «Төле би» мешітінде Қазақстан мұсылмандары діни басқармасымен Республикалық қан орталығы бірлескен «ЖҮРЕКТЕН - ЖҮРЕККЕ» - ll атты донорлық акциясы болып өтті.

Акцияның мақсаты қанға мұқтаж адамдарға қол ұшын беру. «Төле би» мешітінің бас имамы Кенжеәлі қажы: «Адам өміріне арашашы болудың сауабын насихаттап, ниеттеніп келуші жамағатқа алғысын білдірді».

«Донорлық акцияны ұйымдастырушы» дәрігер Гүлсара Сәрсенбина: «Донор болып, қан тапсырып отыру адамның денсаулығына өте пайдалы екенін айта келе, донор осы әрекетімен өзге жанның өмірін сақтап қалуға себебші болады» - деді. 

Республикалық қан тапсыру орталығы қызметкерлеріне бөлінген мешіт бөлмесіне кезек әдеттегідей ұзақ болды. Қасиетті жұма күні жақсылық жасауға талпынып, сауапты іске құлшынғандардың қатары көп болғанымен, қан қабылдау тек сағ.16-00-ге дейін ғана өткізілді.

Жалпы, қорытынды бойынша бүгінгі донорлық акцияға 45 адам қатысып, 20 литр қан жиналды. Аталмыш акция келесі аптаның жұмасында «Орбита -3» мешітінде өткізіледі.

«Төле би» мешітінің баспасөз қызметі