Бүгінгі таңда Қазақстан мұсылмандары діни басқармасы тарапынан діни оқу-ағарту оның ішінде діни сауат ашу курстарының жұмыстарына ерекше назар аударылуда. Себебі дәстүрлі Әбу Ханифа мәзһабымызды және Матуриди ақидасын насихаттайтын бірден бір жол осы – мешіт жанындағы діни сауат ашу курстары.

Осыған орай, ҚМДБ-ның ОҚО бойынша өкілі, облыстық орталық мешітінің Бас имамы А.Керімбек облыстық орталық мешітінде Оңтүстік Қазақстан облысы бойынша діни оқу-ағарту жұмыстарына жауаптыларымен кездесті.

Басқосуда облыстың Бас имамы алдағы келе жатқан жазғы демалыстарды діни сауат ашу курстары үшін пайдаланып, мектеп оқушыларына ҚМДБ-ның діни оқу-ағарту бөлімінің дайындаған арнайы бағдарламасы бойынша сабақ беруді тапсырды.

Сонымен қатар, ҚМДБ-ның ОҚО бойынша өкілі, облыстық орталық мешітінің Бас имамы А.Керімбек саннан сапаға өту керектігін ескертіп, басқа да өзекті бір қатар мәселелерге тоқталып өтті.

ҚМДБ-ның ОҚО бойынша өкілдігінің баспасөз қызметі