Жиынды ашқан ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Мансұров мұнайлы өңірге ат терлетіп келген барша қонақтарға құтты қадам айтты. Сонымен қатар, «Зекет» қоры өкілдерінің біліктілігін жоғарылатып, кәсіби деңгейін дамытуға бағытталған семинардың сәтті өтуіне өз тілектестігін жеткізді.  

Өңірде басталған ҚМДБ «Зекет» қорының семинар жұмысына Ақтөбе облысы бойынша өкіл имамы Әбдімүтәлі Дәуренбеков және Атырау қалалық «Әт-Тақуа» мешітінің наиб имамы, теолог Қанат Жұмағұл дәріс жүргізді.

Сондай-ақ, мұнан әрі де «Зекет» қорының өкілдері Бас мүфти тапсырмасына орай қордың құрылу мақсаты мен міндетін, сауапты істер мен қайырымдылық шараларды жиі ұйымдастыру және алдағы уақытта атқарылатын іс-шаралар жоспарын да өзара талқылайтын болады.

«Иманғали» орталық мешітінің баспасөз қызметі