Аталған тазалық шараға еңкейген қариядан бастап, еңбекқор жастар жамағатына дейін өз үлестерін қосуға асықты. Осындай ынтымағы жарасқан мешіт қызметкерлері мен жамағаттары қаланың көркі болған «Иманғали» орталық мешітінің ауласын тазартып, ақтау-сырлау жұмыстарын жүргізді.

Сондай-ақ, алма ағашынан - 70 дана, шырша тұқымдас теректерден - 30 дана көшет отырғызылды. Игі шараға ҚМДБ-ның Атырау облысы бойынша өкілі, "Иманғали" орталық мешітінің бас имамы Батыржан Берденұлы қатысып, жұмыла жәрдемдескен барша жамағатқа өз ризашылығын білдірді. 

Айта кетейік, қалаға қарасты мешіттерде  де дәл осындай тазалық жұмыстары өткізіліп, дін қызметкерлері өз белсендіктерін танытты.

"Иманғали" орталық мешітінің баспасөз қызметі