ҚМДБ-ның төрағасы, Бас мүфти Ержан қажы Малғажыұлының тапсырмасы бойынша Семей қаласында тал егіп, ағаш түптері отырғызылды.

Аталмыш іс-шараға Семей аймағының өкіл имамы Алтыбай Мақсат Қуанышұлы, қалалық Тас мешітінің имамы Салимов Нұрбек және мешіт қызметкерлері, қала тұрғындары да қатысты. Ислам діні бойынша тазалықтың адам өмірінде алар орны ерекше. Күнделікті асымыздың таза болуы, тұрғылықты жеріміздің тазалығы, бойымыздың тазалығы, киім тазалығы, қоршаған ортамызды таза сақтауымыз,  жүректің ақтығы, ниеттің тазалығы, тапқан табыстың адалдығы – бәрі де салауатты өмір салты мен баянды тіршіліктің негізін құрайды. Осыған орай, «Ағаш- ел дәулеті, жер дәулеті» – деген атпен акция  өткізді. Осындай игілікті істер әлі де жалғасын таба бермек.

Семей орталық мешітінің баспасөз қызметі