Бас имам Б.Мансұров: «Жастардың теріс ағымға бой алдыруының негізгі себебі – діни сауатсыздық, ақпараттың жетіспеушілігі және көп нәрсеге немқұрайлы қарау. Олар дін жолына түстім деп ата-анасынан, достарынан, жалпы қоғамнан алшақтап, өз дегенін ғана ақиқат санап, айналасындағыларға, тіпті мешіт имамдарына күдік келтіреді. Мұндай жағдайға тап болмас үшін қоғамға діни сауаттылық қажет»,- деп атап өтті.

Бұдан кейін сөз алған теолог С.Төлегенов ел тыныштығын бағалауға, басшыға бағынуға шақырып, хадистерден тағылым келтірді. «Елге қызмет ету, заңға бағыну -  әр азаматтың борышы» - дей келе, жастардың қоғамға  қосар алғашқы үлесі - білім алу екендігін түсіндірді.

Кездесу  соңында Ақпараттық-талдау орталығының  тапсырысымен  дайындалған "Жастарды алдаған жат ағым" бейнефильмі көрсетіліп,  студентердің діни көзқарасын сараптау мақсатында  сауалнама жүргізілді.