Аталмыш жиынға ҚМДБ-ның Атырау облысы бойынша өкілі, "Иманғали" орталық мешітінің бас имамы Батыржан Берденұлы және мешіттің жамағат әйелдері қатысты.

Дінтанушы Р.Батталұлы: "Үйлену оңай, үй болу қиын – демекші, бүгінгі күнде ажырасқан отбасылар қатары көбейіп келеді. Алайда бірін-бірі шынайы сүйеміз деп шаңырақ көтерген екі жастың арасына жік түсіп, бір-біріне деген ыстық сезімдерін жоғалтып, шаңырақтарын шайқалтуда. Оған нендей нәрсе себеп болды екен? – деген сауалдың астарында көбінесе ер мен әйел бір-бірлерінің алдындағы міндеттерін орындамаудан туындап жатады", - деп, әйел тәрбиесі қоғамдағы маңызды мәселелердің бірі екеніне тоқталып өтті.

Кездесу соңында әйелдер жамағаты тарапынан сауалдар қойылып, оған тиісті жауаптар қайтарылды. 

"Иманғали" орталық мешітінің баспасөз қызметі