Қиыншылық сәтте отандасқа ортақтасу мақсатында"Сен де үлес қос!" атты қайырымдылық аясында өткізілген шараға Атырау қаласының тұрғындары мен мешіт жамағаттары бір ауыздан қолдау көрсетіп, жан-жақты көмек қолдарын созды.

Табиғат апатынан қиындыққа тап болған қарағандылық отандастар үшін 2 жарым тонна қайырымдылық көмек тиелді. Гуманитарлық көмек ретінде түрлі киім-кешектер, ыдыс-аяқ, бірінші кезекте қажетті тұтынатын тұрмыстық бұйымдар жиналды.  

ҚМДБ-ның Атырау облысы бойынша өкілі, "Иманғали" орталық мешітінің бас имамы Батыржан Берденұлы аталмыш науқанға хал-қадірінше ат салысып, қолдау көрсеткен барша жамағатқа ризашылығын білдірді. Сондай-ақ, жаратқан Алладан өркендеп келе жатқан елімізді түрлі апаттардан аман қылып, халқымыздың әрқашан ынтымақ-бірлікте болуына дұға жасап, жамағатпен өңірдегі қайырымдылық керуенін шығарып салды.

"Иманғали" орталық мешітінің баспасөз қызметі