ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Берденұлы: «Алла Тағала құлдарын кейде таршылықпен сынайды, кейде баршылықпен сынайды. Раббымыз баршамызға үлкен сабырлық берсін», - дей келе, осындай қайырлы істердің жүзеге асуына атсалысқан атқамінер кәсіпкер азаматтарға да дән риза екендігін жеткізді.

Мұқтаж жандар ҚМДБ-ның Атырау облысы бойынша өкілдігіне алғыстарын айтып, ризашылықтарын білдірді.

Жұма күні мешітте тұрмысы төмен 25 жанұяға азық-түлік пен киім-кешектер ұсынылды. Қайырымдылық шара барысында келушілер сыртқы киімдер, аяқ-киімдер, сөмкелермен қамтамасыз етіліп, барлығы 125 келіден қант, күріш, макарон өнімдері және өсімдік майы таратылды.

«Иманғали» орталық мешітінің баспасөз қызметі