Аталған шарада ҚМДБ-ның Атырау облысы бойынша өкілі, «Иманғали» орталық мешітінің Бас имамы Батыржан МАНСУРОВ - Адам саналы жаратылыс болғандықтан, оны еріксіз түрде: Бұл дүниеге не үшін келдім? Қайда барамын? Жаратушы бар ма? деген сұрақтар мазаламай қоймайды. Бұл сұрақтардың дұрыс жауабын біз Алла тағаланың пайғамбарлар арқылы жіберген діні арқылы табарымыз хақ. Өмір сүру қағидалары мен заңдылықтарын қамтыған дін бұйрықтар һәм уахи арқылы пайғамбарларға түсіріліп, һәм жазбаша түрде қасиетті кітаптармен де расталып отырғандығын жеткізсе, Алматы қаласы, «Таугүл» мешітінің 1-ші наиб имамы, теолог-исламтанушы Ермек КӨКІРЕКБАЕВ - Әлемде болып жатқан террорлық әрекеттер мен Исламның ешқандай байланысы жоқ. Ислам діні – жер бетінде бейбітшілік пен тыныштықты орнату үшін жіберілген соңғы дін екендігін тілге тиек етті. Сондай-ақ, жиын барысында ҚМДБ-ның Атырау облысы Дін істері басқармасы басшысы Еркінбек ШОХАЕВ - пен «Шапағат» деструктивтік діни ағымдардан жапа шеккендерге көмек орталығы» Қоғамдық қорының директор орынбасары, теолог Айбек Аташев сынды дін мамандары тақырып аясында біраз ойларын ортаға салып, ынтымақ, бірлікке шақырды.

Қатысушылардың күрделі сауалдарымен жалғасқан шарада келген діни мамандар салмақты жауаптарын жеткізсе, Геолог округі әкімінің орынбасары Ж.Шаданов мұндай жиынның жиі өткізілуін сұрап, шара қонақтарына ризашылығын білдірді.