«Үлкенге құрмет танытпағандар бізден емес», – делінеді Пайғамбар (с.ғ.с.) хадисінде. Алла Елшісінің осы бір өсиетін орындап, қашанда қарттарымызға қамқорлық жасау – «Әзірет Сұлтан» мешітінің айнмас қағидасына айналғалы қашан. Осыдан бірер ай бұрын мешітіміздің бас имамы Серікбай қажы Сатыбалдыұлы Астана қаласындағы қарттар үйіндегі ақсақалды аталарымыз бен ақжаулықты апаларымызбен жүздескені жайлы жазған болатынбыз. Кездесу соңында Бас имам қарттар үйінің екі ардагеріне кіші қажылық жолдамасын сыйға тартқан еді.