Маңғыстау облысының өкіл имамы Смайыл Сейтбеков кәсіпкерлердің демеушілігімен облыстық орталық мешіттің кілемдерін жаңартты. Мешіт кілемдері 2010 жылы жаңартылған болатын. Алайда уақыт өте көнерген кілемді ауыстыру қажеттілігі туындады.

Мешіт кілемдерін жасауда тәжірбиесі мол Түркия елінен арнайы тапсырыспен 32 мың долларға сапалы кілем алдырды. 30 жылдан бері кілем төсеумен айналысып келген түркиялық Али есімді шеберді де алдырып, жаңа кілемді төсетуде.

Сонымен қатар облыс әкімі А.Айдарбаевтың қолдауымен 15 милион теңгеге облыстық мешітке жөнделу жұмыстары жүргізілді. Аллаға шүкір мешітіміздің сырты мен іші жаңарып қалды.

Маңғыстау облыстық орталық

мешіттің баспасөз хатшылығы