«Әзірет Сұлтан» мешітінің наиб имамы Бақытжан Өткелбаев Астана қаласындағы Мамандандырылған күзет қызметі басқармасының (МҚҚБ) қызметкерлерімен кездесу өткізіп, тәртіп сақшыларына дәріс оқып қайтты. Ішкі істер органдары қызметкерлері арасында өзіне-өзі қол жұмсау (суицид) және нашақорлық фактілерін болдырмау мақсатында ұйымдастырылған кездесу барысында Бақытжан Өткелбаев МҚҚБ қызметкерлеріне аталмыш дерттердің дауасы – діни сауаттылық екенін ескертіп, өткенші қиындықтарға мойымаудың, сынаққа сабырмен қарсы тұру қажеттігін баса айтты.