«Халқымыздың салт-дәстүрі, таным-түсінігің баршасында түсінген жанға, ойланған адамға үлкен ғибрат бар. Көп дәстүрлеріміздің асыл дінімізбен астасып, сабақтасып жатқанын көреміз» деп наиб имам оқушыларды қазақ халқының рухани мұралары жайлы мол мәліметпен сусындатты. Осы тақырып аясында арнайы дайындалған бейнеролик те оқушылар назарына ұсынылды.

Онан соң осындай оқу орнында оқытып, киіндіріп, тойындырып, мәпелеп өсіріп отырған ата-анаға құрмет көрсету, өмірлік бағдар көрсетуші ұстаздарды сыйлап, қадірлеу керекті жайлы да айтып өтті. Кеш соңынан шәкірттер дін мен дәстүр жайында сауалдарын қойды. Ал ұстаздар қауымы балалардың болашағына назар аударып, уақыт бөліп, дәріс өткізген дін қызметкеріне алғыстарын айтты.

«Нұр Астана» орталық мешітінің баспасөз қызметі