«Тарихтан оқыдыңыздар, халқымыз ежелден ислам дінімен бірге жасасып, діні мен дәстүрін ұштастырып, өмірлік өлшеміне айналдырып келген. Ұстанып жүрген салтымыз бен қолданыстағы мақал-мәтелдеріміздің көпшілігі шариғатпен, сүннетпен етене жақын байланыс тапқан. Осы ата дінімізді теріске шығарушы кейбір дін атын жамылған ағымдар да бар. Ел арасында түрлі діни түсініспеушілік осылардан туады. Сонау ғасырдан Ханафи мектебімен негізі қалаған дәстүрлі дініміз Ата заңымызда, яғни Конституциямызда да айқын көрініс тапқан» деп дін жайында маңызды мәліметтер берді.

Наиб имам сондай-ақ жастардың жат ағымға ілесіп, жаңылыс кетпеуі үшін тек қала мешіттерінің имамдарынан діни сауат ашу керектігін де баса айтты. «Кез келген саланың өз маманы бар.  Дін саласы да өте күрделі әрі нәзік тақырып. Кез келген адам жол сілтей салатын сала емес. Дұрыс әрі керекті мәліметтерді тек дін қызметкерінен, мешіт имамдарынан алғандарыңыз дұрыс» деді сөз соңында Дәурен Жақыпжан.