Облыстық «Нұр Отан» партиясының ғимаратында Атырау облысы әкімі аппаратының Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы мен Дін істері басқармасының Ақпараттық-талдау орталығының бірлесуімен өңірдегі мешіт қызметкерлері мен имамдары үшін «Қазақстан Республикасының әлеуметтік-экономикалық саласының негізгі бағыттары» тақырыбында кезекті біліктілік арттыру курсы басталды.

Курс мақсаты – тыңдаушылардың ҚР-ның әлеуметтік-экономикалық саласының негізгі бағыттары, қоғам дамуында алар орны және оларды жүзеге асырудағы мәселелер туралы түсініктерін арттыру, ҚР Президентінің «Нұрлы жол – болашаққа бастар жол» атты Қазақстан халқына Жолдауында және «Қазақстан – 2050» стратегиясында айқындалған экономикалық саясаттың негізгі бағдарын талқылау.

Курс тыңдаушыларымен ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Мансұров кездесіп, оларға кезекті дәрісін оқыды. Дәрісте бүгінгі имам келбетінің қандай болу керектігін тілге тиек етті.

Сондай-ақ, өзгеде дәріскерлер имамдарға ҚР-ның мемлекеттік саясаты, әлеуметтік-экономикалық саласының негізгі бағыттары, өңірлік үдемелі-индустриялық даму бағдарламаларын жүзеге асыру туралы жан-жақты түсініктер беріп келеді. Үш күнге жалғасатын аталмыш семинар бұған дейін де үш мәрте болып, имамдардың біліктілігін арттыруға айтарлықтай үлесін қосты.

 «Иманғали» орталық мешітінің  баспасөз қызметі