Қазақстан мұсылмандары діни басқармасының төрағасы, Бас мүфти Ержан қажы Малғажыұлы хазреттің бұйрығымен Данағұлов Алмас Сағидоллаұлы Талдықорған орталық «Нұр» мешітінің найб имамы қызметінен босатылып, Қазақстан мұсылмандары діни басқармасы Республикалық ислами діни бірлестігінің филиалы Талдықорған қалалық «Нұр» мешітіне бас имам болып тағайындалды.

Алмас Сағидоллаұлы ұзақ бірнеше жылдардан бері Талдықорған өңірінде дініміздің дамуына айрықша үлес қосып келе жатқан азамат, тәжірибесі мол, білімді де білікті маман, жамағат пен жергілікті әкімшілік жүйемен тіл табыса біледі.

Алмас Сағидоллаұлы «Дінтану» мамандығының магистрі.

ҚМДБ-ның Талдықорған өкілінің баспасөз қызметі