Кеше  «Нұр Отан»   партиясы ғимаратында  облыс  активінің жиналысы өтті. Шараға облыстық мәслихаттың депутаттары, ардагерлер, ғалым-ұстаздар, кәсіпкерлер, мемлекеттік қызметкер, дін өкілдері, БАҚ өкілдері мен жалынды студенттер қатысты.

Күн тәртібінде бір ғана мәселе –ҚР Президенті Нұрсұлтан Әбішұлы Назарбаевтың «Нұрлы жол-болашаққа бастар жол» атта халыққа Жолдауын түсіндіру және іске асыру шаралары сөз болды.

Жиынға төрағалық еткен облыс әкімі Нұрлан Ноғаев активке қатысушылар алдында сөз сөйледі:

– Елбасы геосаяси жағдайды  дөп басып бағалай келе «Қазақстан-2050» тратегиясына сәйкес мемлекеттің жарқын болашағы даму бағытын айқындап отыр. Нақты қауіптер мен заманның  сын-қатерлерін негізге ала отырып, экономикамыз бен қоғамымыздың тұрақты дамуы, азаматтарымыздың әл-ауқыты мен  өмірлік мүдделерін қамтамасыз ету үшін, Қазақстанның қорғалуы мен қауіпсіздігінің әлсіркуіне жол бермеу мақсатында ел Президенті халыққа «Нұрлы жол» атты жаңа бағдарлама ұсынды.

Нұрсұлтан Әбішұлы «Біз жалпыұлттық идеямыз-Мәңгілік елді басты бағдар етіп, тәуелсіздігіміздің даму даңғылын Нұрлыжолға айналдырдық. Қажырлы еңбекті қажет ететін, келешегі кемел Нұрлы жолда бірлігімізді бекем-деп, аянбай тер төгуіміз керек» деді.

Жиын соңында актив жиналысы негізінде резолюция қабылданды.

Одан кейін облыстық «ТДК-42» телеарнасына орталық мешітінің Бас имамы Руслан қажы Тыныштықұлы сұхбат беріп: Елбасы бізге үлгі етіп көрсеткендей, тынымсыз еңбек етіп, зор жауапкершілікті сезінуге, бар мүмкіндігіміз бен құзыретіміз шегінде оған белсене қатысуға шақырды.

ҚМДБ-ның БҚО бойынша баспасөз қызметі