Жиын басында «Хабар» агенттігі ұсынған «Радикализм матрицасы. (Дін мен дәстүр. 2-бөлім)» атты бейнефильм көрсетілді.

Семнинар барысында: «Әт-Тақуа» мешітінің наиб имамы Қанат Жұмағұл: «Мемлекет жүргізіп отырған ұлтаралық келісім мен ұлтаралық бірлікті дамытуға бағытталған нақты саясат аға буын мен кіші буын арасындағы өзара түсіністікті, ең бастысы, ата-ана мен бала арасындағы бірлікті, жастардың ішкі мәдениетінің дамуын ұлттық сана-сезім, ұлттық мақтаныш, ұлттық құндылық тұрғысынан қамтиды. Өкінішке орай, бүгінде жалған діни ағымдардың қатері жастарға қаупін төндіруде. Сондықтан мұндай тығырықтан шығудың жолы қоғам болып бірігіп, рухани байлығымызды нығайтуымыз керек», - деді.

Сонымен қатар, қатысушылар екі жақты байланысты үзбеу туралы, сауат ашу семинарларын жиі өткізуді бірауыздан қолдады. Кездесу соңында мұғалімдер тарапынан «Мектеп формасына сәйкес келмейтін орамал тағу қажет пе?», «Дін ұстанған ата-анамен қалай байланысқа түсу керек?» секілді көптеген сауалдар жолданып, дінтанушылар тұщымды жауаптарын берді.

"Иманғали" орталық мешітінің
 баспасөз қызметі