«Нұр-ғасыр» мешітінің ұйымдастыруымен Ақтөбе қаласындағы «Дәстүр» үйінде Ұлық мереке Құрбан айтқа байланысты рухани кеш өткізілді. Кештің құрметті қонағы ретінде жаны жабырқау қарттар, зағиптар, арбаға таңылған мүгедек жандар –  жалпы саны 200 адамға дастархан жайылды. 

Кеш қонақтарына мерекелік көңіл-күй сыйлау, әрі дәстүрімізді жаңғырту мақсатында кешке облыстық филармонияның ұлттық оркестрі, танымал жыршылар қатыстырылды. Рухани кешті ҚМДБ өкіл имамы – Әбдімүтәлі Қайназарұлы құттықтау сөзімен ашып, Құрбан айт жайлы уағыз айтты.

Кеште әуендетіп ән шырқалып, күмбірлетіп күй төгіліп, жырдан шашу шашылды. Кештің қонақтары көтеріңікі көңіл күйге бөленіп, «Нұр-ғасыр» мешіті ұжымына ыстық ықыластарын білдіріп, батасын берді.   

Ө. ОРАЗАЛИН,
ҚМДБ-ның Ақтөбе облысы
бойынша өкілдігінің
баспасөз хатшысы